Chi esses bravu poete italianu,
custu, Barore meu, già l’ischia,
però a mi lu giurare non creia
chi tue essères cudd’Agniru Canu
Ch’in su duru limbazu turritanu
ses mastru veru in rima fioria.
Bravu ti naro dae parte mia
e cun affettu t’istringo sa manu.
Sigh’a cantare, bon’amigu meu,
cun tanta grazia e simplicidade
de Sassari sos usos e costumene
Superende in sos cantos a Pompeu
chi a sa bella patria cittade
lassadu hat tanta fama e tantu lumene.
