A mamma mia

Mamma! s’affettu tou est un’azudu
Chi mi faghet seguru su camminu
In custu mundu d’orgollios, trainu
Buluzadu d’affannos e de ludu,
Cando tristu mi paret su destinu
Penso a tie e mi servis de iscudu,
Mentras chi de amore, unu saludu
Ispuntaneu, nasched’in su sinu.
Tue de sa virtude e de s’onore
Su camminu mi mustras mannu e zertu
Tue de s’arte mia e de s’amore
Sas suaves carrelas m’has abertu.
Ma si mi mancas tue, ite dolore!
In custa vida mia, ite desertu!