Passende a disaogu in sa carrera
non mi devo firmare certamente
comente custumao allegramente
pro ider sa tua amabile manera,
Cando tessinde, liera bandera,
faghiasa firmare tanta zente,
e cantaias mutos frequente
cun sa oghe de rundine lezzera.
Morta ti ses o tessidora bella,
chi ancora vint’annos no haias,
sutta s’ira potent’e s’ispagnola.
Attristad’has sa tua parentella;
e priva de sas grazias ch’haias,
paret sa idda nostra pius sola.
