Caru Micheli, benzo a t’infadare
si podes agattare unu cateddu
rabbiette mancari minoreddu
chi sa domo mi potat vizilare.
Si su cane non podes agattare
non t’hapo a ponner su pretu in Casteddu.
Foras de brulla, mandami su cane
e si a Desulo avanzas carchi orta
ammentadi ue bivet Montanaru.
So poveru ma tenzo casu e pane:
semper aperta la tenzo sa porta
pro unu amigu che a tie bonu a raru.
