Carissimu Baddore, de torrare
mi enit su disizu frequente,
a su mont’e Durgali risplendente
a monte Ardia bellu facc’ a mare;
E intender su dulche faeddare
de sa baroniesa cara zente
inue hapo passadu allegramente
sas mezzus dies de su militare.
Cando det esser chi hap’a cumprire
su disizu ’e torrare in Baronia,
raessende sas serras de Nùoro?
De in dì in die mi bido fuire
sos mezzus annos de sa vida mia
e mai cuntentadu hapo su coro.
