Sas offesas de zerta zente mala
han cambiadu sa natura mia.
Pro custu viver naschidu non fia,
e pro ateru olu haia s’ala.
Non mi bastein pro mi dare gala
sas pagas gioias de sa pizzinnia
e a mi ponner sa vida in tribulia
so torradu a innoghe in ora mala.
Eppuru in mesu a s’ira e a sa pena
chi deo suffro, ispero dogni tantu
chi siet sa idda mia cambiada.
E hapas tue Desulu serena
vida novella, cantu deo tantu
suffrid’hap’a s’iscuru a sa cagliada.
